Alumando de 4.ºESO e de 1.º e 2.º Bacharelato realizamos unha visita didáctica a Portugal entre o 27 e o 29 de outubro. A primeira visita guiada foi á cidade universitaria de Coimbra para despois coñecermos a cidade de Aveiro, a Venecia portuguesa. Ao día seguinte tocou a cidade de Porto: Livraria Lello&Irmão, Estação de São Bento, pasamos a pé a Ponte de D. Luís I e chegamos a Vila Nova de Gaia. Collimos o teleférico de Gaia e visitamos a Ribeira. Antes de comer visitamos e fixemos unha visita guiada á Alfândega e ao Museu dos Transportes e Comunicações. A seguinte parada foi o Estádio do Dragão e unha sesión de cine. O derradeiro día visitamos o Mercado do Bolhão antes de partir cara a Braga, que con moita choiva, foi a nosa última parada antes de regresarmos a Celanova.
