PREMIO FEAEGA

O día 18 de setembro acudimos ao Pazo de María Pita en A Coruña, sede do Concello, a recoller o premio FEAEGA Rafael Rodríguez Martin.
O Fórum Europeo de Administradores da Educación (FEAE) é una organización non gobernamental sen ánimo de lucro que traballa no ámbito da educación. No estado español constituíuse na década dos oitenta.
O sentido máis importante do foro é participar crítica e activamente na mellora da educación e desta maneira contribuír a aumentar a súa equidade e a súa calidade.
Neste caso, os premios foron convocados pola delegación galega deste Fórum, e os nosos traballos no eido da memoria histórica foron recoñecidos con este galardón.
O acto contou con intervencións ben interesantes por parte da presidenta da organización, Susana Vázquez, o Concelleiro de Educación de A Coruña, Juan Ignacio Borrego Vázquez, e nós mesmos explicando o noso proxecto. O alumnado asistente, una representación de bacharelato, participou tamén cunha actitude impecable e recitando un poema do noso Celso Emilio.
Grazas a FEAEGA por esta iniciativa, por visibilizar os traballos dos centros e por acollernos con tanto agarimo.