Andrea Maceiras (A Coruña, 1987) visitou o noso centro o 18 de maio para falar sobre a súa obra O que sei do silencio (Xerais, 2018). O alumnado de 2.º ESO estivo atento á súa charla centrada neste libro e no acoso escolar, que moitas veces é denominado co estranxeirismo “bullying” que deriva do termo inglés “bully”. Esta forma pode funcionar como verbo, co significado de ‘intimidar’, ‘amedrentar’ ou ‘atemorizar’, e como substantivo, co significado de ‘matón/a’ ou ‘abusón/a’. Podemos evitar o uso deste anglicismo empregando a expresión acoso escolar.
