Contratos Programa

O contrato-programa é unha iniciativa de innovación educativa desenvolvida desde a Consellería de Cultura, Educación e Ordenación Universitaria para proporcionarlles aos centros docentes públicos unha estratexia de mellora da calidade do ensino. Pretendemos lograr a equidade e a excelencia na educación, para o cal, debemos desenvolver as capacidades de todo o alumnado conforme as súas posibilidades e circunstancias e, para iso, teñen que organizarse de xeito diferenciado, planificando os seus recursos e desenvolvendo as actuacións necesarias para o logro duns obxectivos concretos nun período de tempo determinado.

As actividades que se levan a cabo son as seguintes:

• Cadernos de Reforzo en Matemáticas, Lengua, Francés e Xeografía e Historia para alumnos con dificultades durante as avaliacións, para alumnado que non superen a avaliación en Xuño e para o alumnado con materia pendiente
• Gardas de patio produtivas onde contamos cun aula de reforzo na que no dous recreos sempre hai un profesor de lingua ou matemáticas para resolver dúbidas
• Apertura extraescolar da Biblioteca como espazo de estudo e/ou de consulta
• Revista "O Poleiro" creada dende o Departamento de Dinamización Lingüística
• Boletín  informativo trimestral como un medio de comunicación entre o centro e as familias do alumnado onde lles contamos todas as actividades levadaas a cabo en cada trimestre
• Proxecto Mens Sana in Córpore Sano para fomentar a actividade deportiva e os hábitos de vida saudables
• Basket X Libros dándolle continuidade ao proxecto iniciado no CEIP Curros Enríquez, no que se mistura o deporte e a cultura mediante a práctica do baloncesto e participando no Clube de Lectura do centro.