Portada

A partir do vindeiro martes 7 de xuño e ata o 25 de xuño o alumnado xa se pode matricular de cara ao curso 22/23. A matrícula cumplimentarase nesta páxina web, na sección de "Impresos matrículas" situado na barra lateral dereira ou na pestana de alumnado. Non é necesario imprimir a matrícula. O alumnado matricularase no curso que lle correspondería, en caso de ter que repetir anúlase esa matrícula e cumplimentaríase a do curso actual.

NOVIDADES DOS CURSOS DE NOVA IMPLANTACIÓN

1º ESO:

Neste curso aparece unha materia nova que se chama Tecnoloxía e dixitalización no que se abordarán temas como Programación, control e robótica e Documentación e comunicación dixital.

Tamén como novidade deberase escoller entre Relixión católica e Proxecto competencial. A materia de Proxecto competencial diríxese ao desenvolvemento das competencias transversais desde a Biblioteca do IES Celanova e centrado neste curso na reflexión nos hábitos saudables e na responsabilidade na alimentación.

3º ESO:

Neste curso aparece unha nova materia que se chama Educación en valores cívicos e éticos de unha hora semanal na que se busca promover a autonomía moral e da personalidade do alumnado, supón profundizar en aspectos sobre os que se organizaba como área na educación primaria.

Tamén como novidade deberase escoller entre Relixión católica e Proxecto competencial. A materia de Proxecto competencial diríxese ao desenvolvemento das competencias transversais desde a Biblioteca do IES Celanova e centrado neste curso na reflexión nos hábitos saudables e na responsabilidade na alimentación.

Ademais o alumnado cursará unha materia optativa de tres horas a escoller entre 2ª lingua estranxeira Francés, Cultura Clásica, Oratoria e Educación Dixital.

1º BACHARELATO:

Neste curso como novidade, o alumnado que elixa a rama técnica deberá escoller entre Debuxo Técnico I e Tecnoloxía e enxeñería I.

Tamén como novidade deberase escoller entre Relixión católica e unha materia de libre disposición do centro que estará adicada á práctica de Comentarios de texto.

Aberto o prazo para participar no fondo solidario de libros de texto e axudas para adquirir libros de texto e material escolar.

Prazo: Do 19/05/2022 ao 22/06/2022

Quen pode participar: o alumnado que curse 1º, 2º, 3º e 4º ESO no curso 2022/2023.

Onde se presenta: Presencialmente na Secretaría do centro (solicitar os impresos na Conserxería) ou na sede electrónica

• Por vía electrónica no formulario normalizado (ED330B-anexos I e II) dispoñible na aplicación fondolibros (https://www.edu.xunta.es/fondolibros), a través da sede electrónica da Xunta de Galicia, https://sede.xunta.gal. Para a presentación electrónica de solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluíndo o sistema de usuario e Chave365 (https://sede.xunta.gal/chave365). 
• Poderá presentar as solicitudes presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.

Documentación para a presentación:

• Solicitude segundo o Anexo I e Anexo II (comprobación de datos dos membros computables da unidade familiar).
• Copia do libro de familia ou documento equivalente onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial de separación ou divorcio e/ou convenio regulador onde conste a custodia do menor.
• Excepcionalmente, poderase acreditar o número de membros computables utilizando algún dos seguintes medios:

                   - Certificado ou volante de convivencia.

                        - Informe dos servizos sociais ou do órgano equivalente do concello onde resida a familia.

• Certificado de discapacidade do/da alumno/a ou de calquera membro da familia non expedido pola Administración autonómica.
• Documentación xustificativa da situación de violencia de xénero no ámbito familiar.
• Resolución xudicial de incapacitación con patria potestade prorrogada ou rehabilitada.
• Resolución administrativa ou xudicial acreditativa da situación de acollemento ou certificado do centro de menores, para alumnado en situación de tutela ou garda da Xunta de Galicia.
• Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai ou a nai ou o/a titor/a ou titores/as carezan de DNI ou NIE.

Para consultar a Orde do 29 de abril de 2022 prema aquí.

Goza a experiencia 3D e percorre a nosa biblio con esta extraordinaria montaxe do noso compañeiro Carlos Alonso. Pica na imaxe!!!